1_مشروع توشكي (الوهم الكبير).
2_تصدير الغاز للعدو (وخسارة للركب سنويا 60 مليار دولار).
...
3_البطالة (واللي عايزين نجوزها للبطل الشعبي أهو منها خلصنا منها ومنها ستتناه وقعدناها في البيت).
4_الواسطة والمحسوبية (ولا أجدعها هناء وشرين- ولا تيت وشريط- توأم سيامي عايشين بطولها وعرضها علي حس وجودهم مابينا).
5_غرق العبارة ومقتل اكثر من 1300 مصري (وكأنها مركب ورق من اللي كنا بنعملها في ابتدائي و1300 دوول شوية عفرة خادهم الغراب وطار...قصدي غرقوا).
6_نظام التعليم الفاشل (اللي دايما مزعل الناس مني ومخليهم يشدوا في فروة راسهم كل لما اسألهم سبع ولا ضبع؟!).
7_قطار الصعيد (ولا عزاء للسادة المحترمين).
8_تزوير الإنتخابات (إحتكار لنواب الحزن الحاكم وتهميش الباقي).
9_إرتفاع الأسعار (اللحمة ب 100 جنيه والطمطمايه بنص جنيه).
10_ حوادث السيارات وحالة الطرق المصرية (طنش...تعش...تنتعش).
11_سرقة أراضي الدولة (يعني بلاش نسرق ونوقف حال رجال الأعمال).
12_عمليات التجميل علي نفقة الدولة (طبعا لازم يكون في صندوق تبرعات لخدمة نسوة المسئولين...أومال ايه!).
13_حصار غزة (يعني هي جت علي غزة...ده كفاية إن كل الشعب محسور وحمامات الفساد طوابير).
14_تردي الخدمة الصحية (أومال الدعاء فايدته ايه...إسأل المجيب فهو الشافي).
15_خصخصة شركات القطاع العام وسرقة أموالها (من المهد للحد ياأخويا).
16_المعتقلات السياسية (بيت العيلة للإسلاميين وبس!).
17_طوابير الخبز وأنابيب البوتاجاز (تقصد حرب طوابير العيش والأنابيب...وتعالا بص).
18_إهمال العلااقات مع دول حوض النيل مما أدي إلي قيامهم بتهديد مصر بمنع مياه النيل (واللي زعل مننا دول حوض النيل وعلي أساسه عملنا بطولة خاصه ليهم بإسم "حوض النيل" والمسامح كريم).
19_هجرة الشباب وغرقهم في البحر المتوسط وإمتهان كرامة المصريين في الدول العربية (كرامة مين يابو كرامة...حودة كرامة تقصد).
20_أحمد عز وطلعت مصطفي (من إحتكار الحديد الإسفنجي والبيليت لمدينتي بتراب الفلوس وياقلبي لاتحزن!).
21_أموال المصريين التي تذهب إلي الطبقة الحاكمة (وأنا وأنت لا نجد قوت قلوب يومنا).
22_الداخلية والمعاملة الميري (سيد بلال وخالد سعيد أكبر دليل).
23_غياب الدور المصري في المحيط العربي (والهندي والأطلسي كمان).
24_ أزمة السكن وارتفاع أسعار العقارات (يقولك خرم الأزون بسلامته وسع حبتين...جت يعني علي أزمة سوق العقارات!).
25_المبيدات المسرطنة وخراب زراعة القطن المصري الشهير (وسلملي علي مصر الزراعية).
26_تقسيم تورتة سيناء علي كلاب الحاكم (وده العادي من مبارك مصر).
27_إنقطاع الكهرباء والماء المتكرر في بلد توصف بإنها هبة النيل (قصدك هبة السيسي :)).
28_العنوسة وظاهرة التحرش في الشارع المصري (استروش الجنزبيل...محدش واخد منها حاجة).
29_قانون المرور الذي يهدف الي سرقة وليس حماية المواطنين (يعني هنحط حاجة في جيبنا يامون .بيه)
30_تهريب أموال مصر إلي سويسرا (بيحوشولنا فلوسنا ياجدعان في سويسرا حته واحدة).
31_الضريبة العقارية وأموال التأمينات التي ضاعت في بورصات أمريكا (قدر المولي وماشاء فعل).
32_ضياع الطبقة الوسطي التي هي عماد أي بلد محترم (عين وصبتنا ياشعب!).
33_تقسيم السودان وتدخل إسرائيل الواضح في القضية وغياب دور المخابرات المصرية والتي يبدو أنها كانت نائمة (النصيب لما يصيب مابيسبش عدو ولا حبيب).
34_البناء علي الأراضي الزراعية الخصبة التي توارثتاها أجيال وراء أجيال والآن تضيع سدي (طب قولي كده نبني فين؟! عالهوا مثلا).
35_إنعدام الثقافة في المجتمع المصري وأغاني العنب والحمار (بحبك ياحمار).
36_إهمال وضياع التراث المصري (طب تصدق التراب بتاعنا أصلي!).
37_إنتشار المخدرات وضياع الشباب المصري من اجل قتل أي روح للتغيير (ياعم كبر الجي وروق الدي...صباح الجمال. مافيش حاجة علينا؟!).
38_المنتجات الصيني المضروبة التي أغرقت الأسواق دون رقيب عن جودتها (صيني صيني يعني أصلي وبسيريال :)).
39_الرشاوي والفساد الاداري لاجهزة الدولة نتيجة لضعف المرتبات (طب مش هرود عليك...والتاريخ يشهد علينا).
40_ عدم محاسبة أي فاسد تفوح رائحته والإكتفاء بتغيير منصبه (نزعل حد مننا...تصدق عيب متجيش ياغالي!). وعجبي ياعجمي!
----------------------------------------------------
البِـــــــــــــــــــــــك...إئتلاف شباب الثورة
