رأي الشارع في أحد الفيديوهات للقلة المندسة الساخرة من إكتساح الأغلبية بنسبة تفوق الــ77%!...يا جماعة إرحمونا شوية...مش كل كل حاجه نخلص منها تتطلعوا فيها (القطط الفطسه)!...مفيش واحد فينا كامل يابني آدمين!...مش أنبياء احنا ولا رسل عشان نبقي زي العجين ميتلخبطوش!...الشعب قالت قال كلمته وهيفضل يقول كلمته: (إن الأغلبية للديمقراطية)، فالأغلبية هي مش كل الشعب بعينه! يعني أكيد فيه إتنين تلاته كده من فلول النظام البائد هي اللي بتلعب في الخفاء عشان تقلل من ثقل نجاح مطالب الثورة...زي اللي مصور الفيديو ده! ليه مصوره وعايز ايه من وراه؟! مع العلم انه عارف انه خلاص بئه بيعيش واقع ديمقراطي جديد!...طب هو لسه بيشكك في نزاهة الديمقراطية؟! طب لو فرضا إنه واحد من كلاب النظام الفائت...ليه (حركة 6 ابريل) وضعت ذلك الفيديو! مع إنها قالت: (إختلفنا علشان مصر وهنلتزم بنتيجة الإستفتاء علشان مصر)...هو ده بئه الإلتزام بنتيجة الإستفتاء ولا عايزين تولعوها اكتر؟! ولا يمكن مجتش علي هواكم لما كنتم عايزين نتيجة الإستفتاء بلأ؟! ياشباب إحنا فعلا بيتلعب بينا
عشان مصالحهم علينا...وفعلا مش حزب ولا حركة هي اللي تجمعنا طالما الميدان .بيقدر في لحظة يوفقنا
------------------------------
البِـــــــــــــــــــك...
ليست هناك تعليقات:
إرسال تعليق